Edhe dy mjekë dalin pozitiv me Covid 19, disa të tjerë në pritje të rezultateve

15:10 | 8 Korrik 2020
Arbresh.info

Dy mjekë në Klinikën e Onkologjisë në Kosovë kanë rezultuar pozitiv me Covid 19.

Këtë për arbresh.info e ka konfirmuar drejtori i Onkologjisë, Ilir Kurtishi.

Ai ka shtuar gjithashtu se të dy mjekët janë në vetizolim dhe në gjendje të mirë shëndetësore.

“Po dy doktorë të onkologjisë kanë dal pozitiv në testin me Covid 19. Gjendja e tyre është e mirë dhe gjenden ne vetizoim”, ka thënë ai.
Kurtishi ka shtuar se edhe një pjesë tjetër e stafit janë në pritje të rezultateve.

“Nuk ka të tjerë që dyshohen, por ne i kemi bërë testet shumica dhe jemi duke i pritur rezultat. Besoj deri nesër do të dalin rezultatet”, ka përfunduar ai.

Ndryshe numri i të prekurve me Covid 19 në Kosovë ditëve të fundit ka shënuar rritje./arbresh.info/